ബോംബു പൊട്ടിയെന്ന് ബാഗ്ദാദിന്റെ
തെരുവുകളിലൊന്നു ചിതറി പിടയുന്നു..
എന്നും പിടയാറുണ്ട് ഓരോ തെരുവും..
നഗരങ്ങളിലെ തെരുവുകള് അങ്ങിനെയാണ്
ഓര്മകളില് മായാതെ നില്ക്കുക !
ബാഗ്ദാദ്, ബസ്ര, നജഫ്,
മലഗോവ്, അഹ്മെദാബാദ്....!
പൊട്ടുന്നിടതൊക്കെ അതിനു ഒരേ ശബ്ദം,
ഒരലര്ച്ചയില്,
തെരുവ് നാല് പാടും ചിതറിയിട്ടുണ്ടാകും !
എന്തിനാണ് തെരുവേ,
നീ മനുഷ്യരെ ഇങ്ങിനെ കൊലക്ക്
കൊടുക്കുന്നത് എന്ന് ചോദിക്കാതെ
അവര് തെരുവില് ചിതറിയങ്ങിനെ
കിടക്കും !
തെരുവിന് പേടിയാണ് !
ഒന്ന് പൊട്ടിയാല് വിറങ്ങലിച്ചു
കുറച്ചു നേരം മരിച്ചവരോടൊപ്പം
കിടക്കും !കരയുന്നവരെ നോക്കും !
അടുത്ത പ്രഭാതത്തില് ജീവിച്ചിരിക്കുന്നവരുടെ
തെരുവ് ഉണരും.
അവര് തിരിച്ചെത്തും വരെ
എവിടെയും വീടുകള് ഉറങ്ങാറില്ല !
ബാഗ്ധാദിനെ പോലെ
ചിതറി തെറിക്കുന്ന തെരുവുകളില്
ശവങ്ങള് മനുഷ്യനെ ഭീതിയോടെ
നോക്കും ! മനുഷ്യന് ശവങ്ങളെയും !
ബോംബു പൊട്ടിക്കുന്നത്
പൊട്ടിക്കുന്നവര്ക്ക് ഒരു രസമാണോ ?
അതു കൊണ്ടാണോ അവര് വീണ്ടും
വീണ്ടും പൊട്ടിച്ചു കൊണ്ടിരിക്കുന്നത് !